Friday, April 6, 2007

Ээж ээ, хvv нь таньдаа хайртай

Одоогоос 10 жилийн ємнє би шавилхан бацаан байхдаа нэг удаа дvрсгvйтээд найзуудтайгаа нийлж шар айраг ууж сонирхоё гэж бодоод ууж билээ. Орцондоо, яг гэрийнхээ vvдэнд шатан дээр сууж уучаад гэртээ явж ормогцоо аавдаа баригдаж хєєрхєн бангадуулж байсан минь ерєєсєє санаанаас гардаггvй юм. Та бvхэн намайг хєгжилтэй явдал бичих гэж байна гэж бодно уу? Єршєєгєєрэй, энэ удаа би ээжийнхээ тухай хэдхээн vг бичихийг хvссэн юм.
.
Тэр орой толгойгоо эргэтэл аавдаа загнуулж суухад минь ээж харин яагаад ч юм єрєєнєєсєє толгойгоо ч цухулгаагvй юм. Сvvлдээ ааваасаа биш, ээжийгээ гомдоочихов уу даа гэсэн бодолдоо автаж ээжээсээ илvv айж билээ. Маргааш єглєє нь сэрдгээрээ сэрж цvнхээ аваад хичээлдээ явсансан. Эхний цагийн лекцийг бичиж тэмдэглэх санаатай дэвтрээ гаргатал дотор нь нэг хуудас цаас. Сєхєєд хартал нэг л танил бичиг. Ээжийн бичиг. Ээж минь яг л цэвэр бичгийн номон дээр vлгэрлэн бичсэн байдаг шиг бичигтэй хvн байдаг юм. Би тэр хуудас цаасыг гаргамагцаа учиргvй айж эхэллээ. Сэмээрхэн дэлгээд хартал "Одко, миний хvv, ээж нь чамтай яаж ярих учраа ололгvй энэ захиаг бичиж сууна..." гэсэн эхний мєрийг хармагцаа л миний хамар шархираад ирлээ. Хуудас цаасаа эвхэж хармаалаад багшаас зєвшєєрєл авангуутаа гадаа гарлаа. Сургуулийн архан талд байх задгай талбай дээр очиж замын хашлаган дээр суулаа. Эргэн тойронд цав цагаан, бас чамгvй хvйтэн. Эргээд захиагаа тэмтэрсээр гаргаж ирээд уншиж эхэллээ. Ээж минь захиандаа намайг муу хvн гэж зэмлэх гэсэнгvй ээ. Оронд нь хvний газар ганцаархнаа хэрхэн намайг тээж, хорвоо дээр хvн болгож тєрvvлснээ бичжээ. Гэдэс нь томрох тусам сургууль гэр 2-н хоорондох зай нь холдоод буй мэт санагдан, хавагнасан хєл нь улам бvр янгинах болж, тэр замыг туулах гэж олон удаа сууж амарч, заримдаа сэтгэл шантраад уйлж сууснаа бичиж. Ээж аав хоёр маань уг нь ойрхон хотуудад суралцдаг оюутнууд байсан юм. Аав хааяа єєрийн хичээлийн зав зайгаар ээж руу байнга очдог байсан боловч хєл хvндтэй залуухан бvсгvйд ганцаараа хэцvv байсныг би гэнэт мэдэрлээ. Эмч ээжид маань шийгуа сайн ид, хаван чинь бууна, хавангаа буулгахгvй бол хvvхдэд чинь муу гэж хэлсэн болохоор нь ээж маань хичээлээ тараад зам хазайж хvнсний зах уруу алхаж очоод том шийгуа авч, тvvнийгээ тэврээд, гэдэс, дvvрэн ном чихсэн цvнх, шийгуа гуравтаа тvvртэн тvvртэн алхсаар дотуур байрандаа ирдэг байсан тухайгаа бичиж. Хорвоод нэг хvнд амьдрал бэлэглэж байна хэмээн єєрийгєє зоригжуулж байснаа бичиж. Харьков хотын хавар дэндvv гоё болдогийг бичиж (би хавар тєрсєн). Яг хот гэдэг vгэн дээр нулимс дусаад хатсан мєр байна...

...Нэг мэдсэн чинь би асгартал уйлаад сууж байв аа. Ээж минь намайг энэ хорвоод ирvvлэх гэж хориодхон насандаа хvний нутагт ганцаараа, дээрээс нь электроникийн инженер мэргэжил эзэмших (тэр сургуулийг улаан дипломтой тєгссєн хvн нийт 20 орчим байдаг агаад нэг нь ээж минь) гэж хичээл номондоо дарагдан дарагдан зvтгэсэн байтал би дєнгєж уруул дээр минь хэдэн vс ургаж эхлэв vv vгvй юу гомдоож эхэлж байдаг гэж бодох тусам єєрийгєє зvхсээр л... Гэхдээ тэр vед би ээжийн захианы утгыг бvрэн гvйцэд ойлгоогvй явжээ. Єєрєє хvний газар суралцахаар ирсэн хойно оо тэр захианаас бас дахиад л єєр єргєн, гvн утга олж анзаарсан. Хэдий ийм боловч би хэзээ ч тэр захиаг бvрэн гvйцэд ойлгохгvй, ээжийнхээ намайг тєрvvлэх гэж яаж зvдэрж явсаныг бvрэн дvvрэн ойлгохгvй байх даа... Ээж ээ, хvv нь таньдаа хайртай.

10 comments:

Anonymous said...

eh hun gej aguu shuu.eejiigee hairlaj yavaarai!!cham shig uhaantai huutei eej chin chamaar baharhdag bizee..unshaad uilah gejiin.hehe

Anonymous said...

чиний бичсэнийг уншаад өөрийн эрхгүй нулимс минь гарч ээжинхээ тухай бодлоо. Хэлэх гэсэн зүйл минь өмнөх хүнийхтэй давхардаж байна. Ээж, аавыгаа хайрлаж явцгаая залуусаа!!!

Жаагий said...

Eej aav mini ene biyenii mini ehlel, ene nasnii mini amid burhad yum daa gej boddiin

Tegshee said...

chinii bichseniig unshaad yag uilah gej baina, manai eej c hbas gadaadad surch baihdaa namaig gargaj, bi ch odoo ooroo surch baina. uneheer eej gedeg aguu hun shuu

Anonymous said...

gedsendee chamaig teegeed nuruundaa nomtoi tsunh uureed gartaa shiigua bariad yaj yavj baisnyg bi tusuulj bainaa. jiremsen baih ter tusmaa turuh duhuhuur tun hetsuu baidgyg uuriin biyeeree tuulj l baina. eejiin chine heldgeer neg byatshan hund amidral belegleh gej baigaa gej bodohdoo l yo gej zovlon helehguimsen gej hicheehdee nargia hoshignol bolgoj zovlongoo nemeglej baihav. saihan bichjee. bi unuudur zav gargaj umnuh bloguudtai chine taniltsnaa. sonirholtoi sanagdchihlaa. chi bid 2 mun ch ih hereldsen dee. chamd hamgyn suuld bayartai gej helehdee minii helsen ugiig sanaj bainuu?

sanana daa chi namaig sanana
saidyg sanadag l baihgui gej baisnyg. hahaha tegehed bi tun genen hongor huuhdeeree baisan. odoo heveeree geed boddoo.

Legacy

БЭ said...

ih saihan bichleg boljee, ooroo ch uhaantai zaluu baina, hamgiin gol n ingeed uhaarj bainaa gedeg neg oor, ogt uhaarj amjilgui eejiigee amidad n jargaaj chadaagui hun ch baina, chamd amjilt husey!

Anonymous said...

Chi yasan sain xuu ve! Chamaar unexeer baxarxaj baina. Bichseniig chin unshaad nulims uuriin erxgui asgarlaa. Bi ch bas eejdee xairtai. Odoo xunii gazraas erdmiig surax ayand irchixeed baigaa uchraas eejiigee mash ix sanaj baina. Cham shig buruugaa uxamsarladag, eejiigee xairladag saixan setgeltei, zuv xumuujiltei zaluus xed baigaa bol Mongol orond maani?

Chariote said...

Anoni-d helhed;
Zunduu bga bhaa. Hehe, hunii umnuus hariulchihlaa.

Goe bichleg bolson bnaa.

Pearle Deppsu said...

ta nadad mash ih taalagdaj bna. tani bichsen bichlegiig unshaad buur uilsan shuu

Anonymous said...

bi yag odoo eejiin chin ter ueiinh shig l baidaltai yavj baina daa. unuu margaashgui turuh duhchihsun, tegsen hernee cunhee uureed l, havtasaa sugavchilchihsan, tom gedsendee tuurteed l surguuli ger 2-iinhoo hoorond alhaad l yavj bna. gehdee bi shantarch, uilj, yasan hecuu um be gej eruusuu boddoggui, harin mongoldoo, eejiihee derged baisan bol saihnaa l gej bodoj bn. gehdee hajuud min tushih hani min hamt baigaad setgel oeg baidag umaa.